Gestion deth certificat

Suspension, Abilitacion e Revocacion

Suspensió

Podetz suspéner eth vòste idCAT Certificat se suspectatz que s'a perdut, vos l'an panat o ei maumetut. Tanben cau que la suspenegatz s'eth vòste ordinador s'a espatlat. Auetz de telefonar ath 900 90 50 90 identificant-vos adequadament e contestant corrèctament ara pregunta secrèta que introdusiretz en moment de hèr era sollicitud.

Era suspension ei reversibla en termini maxim de 120 dies, dempús des quaus, sense era posteriora abilitacion, se considerarà que non voletz tornar a hèr-ne emplec e passarà automaticament ar estat revocat.

Abilitacion

Era abilitacion consistís en arturar era suspension e tornar a activar eth certificat digitau. Cau hèr-la en un termini maxim de 120 dies des dera data de suspension.

Entà sollicitar era abilitacion deth vòste idCAT Certificat auetz de personar-vos en Entitat de Registre idCAT damb eth document acreditatiu dera vòsta identitat.

Revocacion

Era revocacion supause qu'er idCAT Certificat dèishe d'èster valid. Un certificat pòt èster revocat per volentat deth sòn titolar o se se supèren es 120 dies de suspension sense abilitar-lo. Se voletz sollicitar volentariament era revocacion deth vòste certificat digitau idCAT, auetz de personar-vos ena Entitat de Registre idCAT damb eth document acreditatiu dera vòsta identitat.